Yangon — Chin Ca le Nunphung Bu (CLCC) hruainak in Yangon um Dagon University ah Chin holh avoi 2nk an cawn lio si.

Chin holh/ca cawn cu 2018 ah an thok i Hakha (Lai) holh an rak chimh hna. Tutan avoi 2nk cu Falam (Lai) holh an chimh hna.

Tu kum ah Chin holh a cawngmi siangngakchia 21 an si.

CLCC Vice President Salai Sai Mon nih, “zei holh dah kan chimh hna lai ti cu mee kan zuh hnu ah Falam kan chimh hna hi si,” tiah a chim.

“Rak chimh cangmi holh kha cu mee chungah kan telh ti lo. Hmai kum zong khi zei holh dah kan chimh te hna lai ti kan chim kho rih lo.

“A cawngmi lakah Chinmi a si lomi zong an i tel,” tiah a chimchap.

Chin holh cawn cu July 2 in khan an thok i July 27 tiang an cawng lai. Zarh 1 ah ni 5 chung, zaanlei sml 1pm in 3pm tiang an cawng. — Zalen

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.