CYONA Chin Person of The Year 2019 cotu Mai Thin Yu Mon konglam tawi le mi nih an hmuhning

Mai Thin Yu Mon cu 1988 November 11 ah Pu Kyaw Nyein le Pi Tial Kai nih Hakha khua ah an rak hrin. Unau chuahpi pali lak ah fa upa bik a si. Tangcheu in tangriat tiang No.3 Basic Education High School, Pyidawtha, Hakha ah a kai.

Hakha Y.M.C.A ah mirang ca tangriat tiang a cawng. Tang 8 a cawn lio ah Ministry of Education nih Kawlram huap in a tuahmi ခ်င္းျပည္နယ္ ဘက္စံု ထူးခၽြန္ေက်ာင္းသား ပထမဆု ၊ ခ်င္းျပည္နယ္ စာေပပညာ ထူးခၽြန္ေက်ာင္းသား ပထမ ဆု a rak hmu. 

High school tangkua le tanghra cu Diamond Boarding Class le No.2 Basic Education High School ah a cawng. Kum 2005 ah English, Chemistry, Physics le Biology distinction 4 hmu in tanghra a rak awng. 

Kum 2005 in 2008 tiang Mandalay University of Foreign Languages ah English specialization a kai. 2007 ah Kawlram pumpi University vialte tel in zuam mi English Language Competition ah Impromptu talk ah pathum nak a rak hmu i kawlram aiawh in Mekong Regional Youth Exchange Program ah rak thlah a si. 

Kum 2012 ah Yangon University of Foreign Languages ah M.A ( Teaching English as a Foreign Language ) degree a la. Kum 2012 ah Yangon University ah Postgraduate Diploma International Relations le Kum 2013-2014 ah Yangon University thiamthiam in Postgraduate Diploma in Business Law a dih.

Master degree a tuah pah ah Chin mino hna caah platform ser aa zuammi Chin Youth Forum ah pumpek in a rak cawlcang i Chin mino hna a funtom kho dingmi Chin Youth Network dirh khawh nak ding zong ah a rak cawlcang mi a si.

Master kum khat nak a kai lio ah The Kumudra Journal i International News Section ah News Translator part-time in a tuan. Master degree a lak hnu ah Euro-Burma Office ii Project Achievement Study Team ah part-time evaluator a tuan.

Kum 2010 in 2013 tiang sianginn a kai pah in Chin Literature and Culture Committee le Lai Sianghleirun Sianghngakchia Bu cawl canghnak pawl ah hruaitu dirhmun in a rak i tel. Tlangcungmi miphun dang hna an intuar nak, abikin kahdaihnak le ralzaam hna caah chimrel a herhnak ah miphun dang mino hna he rian tuan ti nak zong ah a rak i tel. 

Kum 2013 August thla in Chin Human Rights Organization ah riantuan aa thok. Program Officer in a thok hnu ah Senior Program Officer, Country Program Coordinator tiah tuanvo dang dang pek a si hnu ah atulio ah CHRO i Program 4 lak ah pakhat a si mi Indigenous Peoples Development Program cu Program Director tuanvo lak in a hruai lio a si. 

Chin miphun hna i a voihnihnak tonpumhnak a si mi 2013 ah Chin ram, Hakha khualipi ah tuahmi Chin National Conference tuah nak ah Co-ordinator pathum lak ah pakhat ah thim a rak si.

Chin National Conference thok in Peace process ah CSOs leikam hrihhruai nak ah biatak in arak i tel. Kawlram a cozah le tlangcungmi hna kahdaih biaruahnak ah Chin miphun aiawh in Social sector, Land and environment sector hna ah i teltum in rian a ttuan. 

2016 New York ii tuah mi Permanent Forum on Indigenous Issues ah Global Indigenous Youth Caucus ah Asia mino hna aiawh tu ah thim a rak si. 2019 ah voi li nak an thim than i Asia tlang cung mi mino hna caah tuanvo lak in UN ah aa tel. 

2016 thiam thiam ah Asia ram 14, tlangcung mi hna ca ah rian a tuanmi Asia Indigenous Peoples Pact i Executive Council ah mino hna ai awh tu ding in mino hna nih an thim. 2016-2020 tiang tuanvo a la ding a si.

Cu tuanvo a lak lio ah cun Asia ram pawl i a ummi tlang cung mino hna thanchonak caah tinh mi Asia Indigenous Youth Platform ser nak ding caah UNESCO, UNDP le AIPP le hawi kom Asia tlang cung mino hna he an tuan cuah mah lio a si.

Mai Thin Yu Mon cu sianginn akai lio ah cathiam lei lawng si loin hawikomhnak lei siseh,zaanglek lei zongah arak i tel lengmangmi asi i Mandalay Region Universities Open ah Silver medal arak ngah balmi zong a si.

Innchungkhar, hawikom le rianttuanti hawi caah bochantlak taktak nusalttha asi. Mino tthithruai athiammi a si i hmailei caah thanchonak lam kaupi serpiak in raltthatnak akan petu kan i zohthlami kan arfi a si.

Mai Thin Yu Mon kong he pehtlai in Chin mino cheukhat le a riantuantti hawi hna an aanka cheukhat

“She’s one of the most inspiring, and energetic women I have ever known of and I am so proud of being a friend of hers . I hope that she can continue to achieve in meeting the needs of the communities she serves.” — Crystal WhiteCrystal (RISE, Program Manager)

“Mai Thin Yu Mon hi sianghleirun bu cawlcanghnak tein ka theih mi a si. Kan lainu lak cun a nusal , thil atuah ngam/ a chim ngam, mi ralttha a si. Tuchan Chin mino kanmah pawl nih kan i zohchun peng mi Idol pakhat a si.” — Salai Van Hlei Thang ( Former Central LSSB Secretary)

“Arian a upat tuk mi a si. Rian atuan mi cung ah dawtnak lungthin ngei taktak in aa pumpemi a si. Nu a si na in zapi zaran pa nak in bochan awk atlak deuh.” — Mai Dawt Hnem Par Zathang ( Finance & Admin Assistant, CHRO Office, Hakha )

“Mai Thin Yu Mon hi 2013 Chin Youth Forum ihsin ka rak thei thok. Culai ihsin a active zetmi le mi kaihruaitu a rak si zo. Cun, khami kum thotho ih Chin National Conference khalah, Education thupi relnak ah facilitator a rak ttuan: kum note si-in a fit zetmi Chin Mino Numi a si. CHRO ihsin Chin miphun hrang theitawp suahin a ttuan zomi pawl ka hmuh le ka theih tikah ropi ka tiin, ka upat zet.

Tu ah, Chin CSOs Forum Central Committee ah hna mallai kan ttuan tlang phahih, a teimaknak le a zuamnak pawl, a mizia le a lungput pawl ka thei deuhdeuh ih ka rinsan sinsin. Hna tampi a ttuan rero in, dinhmun ttha zet tla a ngah vivo ko nan tangdor le mithmai pante’n zokhal a biak le a pawlkom thei ringring hi a nun ihsin zir tlak zet ka hmuhmi a si.” — Salai Van Thawng Thang ( Vice President, Chin Students Union,Kalay & Advisor of Chin Students Union, Myanmar)

“A mah pen Chin Person of The Year 2019 a ngah tak ngaih bang mah mah a et teh tak numei khat hi. Et teh tak ki cih na ah gal sung ah hak sat na tuak mi te kiang ah a tha bang sit lo in a hih na hi.” — Muan Cing ( Program Assistant, POINT )

“Chin mino le, Chin nu hna i bihzunmi kan arfi a si.” — Salai Ram Tinthei (Australia)

“She is brave, intelligent and beautiful.” — MaiaungYaung@ YoungNge (UD Directorate of Hotels and Tourism , Hakha)

Note: Mah post hi Mai Thin Yu Mon pumpak lungtlinnak/siannak laak hnu ah postmi a si.
Hi post hi zuhlo/chap lo tein media le adangdang ah Copy&Share&Translate tuah khawh a si.

Cafangfonh kaa palh sualmi cungah careltu nan zate ngaihthiam kan hal hna.# 

Congratulations The Lady TYM

Dennis
Seoul, S.Korea

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.