Cung Hu: Tu thla hi Thisen Lang 5,000 a tlin thla a si

Duhbik co lainak hmanh in le, suitlang tthenh lainak hmanh in minung nih kan duh deuh mi cu “NUN” tu hi a si deuh.

HOPE Blood Donor Org (Hakha) nih thihnak thlan khar par ah, khat lei kee baang bu in a dirmi Mizaw 2,000 cu Nunnak Thisen a pek hna.

Tu thla hi Thisen Lang 5000 a tlin thla a si. Zeimawzat mizaw cu thisen rawnh lo zong ah ttuang-ma-ttang in Nun zong a va um phum ko hnga. Nain mizaw 400-500 hrawng tu hi cu thisen rawnh lo ah cun, boi ma boi lo zaanmang lawng ah kan ii hmu hna hnga maw?

Khuapi um si kho mizaw zong le khuate lei in a rami harsa mizaw vialte zong tiang in Pathian tthatnak theipar cu co cio a si.

Hi Nunchanhchuahnak rian sunglawi ah thisen, phaisa, ruahnak thazaang le thlacamnak in aa teltu vialte hna.. hi thengte ruang ah hin hngalhhlei khun in Bawipa thluachuah cu co ko sawh uh.

Professor Dr Thida Aung(YG) – Thisen petu um lo ngai hin cun Sibawi te operation tuah thiamnak cu san tlai lo a si.

Dr. Zin Ko Ko Aung(Hakha Sii in Uk) – Sibawi lo zong nih mi Nunnak khamh khawh a si ko. Cucu thi hlutnak in a si.

Dr. Bawi Cin Tial(OG,Hakha Sii in) – Thi phai nih a lakmi nu hna cu chikkhat te ah an nunnak a dih kho.

Dr Thida Win(OG,Hakha Sii in) – Mizaw nih an herh lio caan thengte ah an herhzat thisen cu a caan tanh in HBDO nih a pek khawh hna caah Sii in um caan a tawiter i Mizaw nih a dih hnga phaisa zong a tlawmter.

Zeitintiah titsa nunnak cu thi(Blood) chung ah a um(Levtikas 17:11a)

Mizaw nih a herhmi thisen cu caan tawite chung ah a hmuh khawhnak hnga tiah Sii in ah thisen timhcia tein HBDO nih kan rak in pek cia chung hna(Lab room ah a um lai).

Bawipa nih Midang Nunnak Khamh nak rian a ka hrawm caah kaa lawm tuk. Sunparnak bel cu Bawipa nih co ko sawh seh. Kaa lawm tuk.

Toidornak he, Cung Hu

Na Rel Cang Maw?

Ṭial Tharmi

Malaysia Langkawi ah Kawlrammi 3 an tlaih hna

Malaysia Langkawi ah Kawlrammi 3 an tlaih hna

Malaysia lahwahkah nih Langkawi ah a ummi Chenang Beach le Rebak Island ah tlaihkhihnak a tuah i Kawlrammi 3 telhin ramdangmi 18...