14.8 C
Hakha
Monday, November 29, 2021

Covid-19 ruangah Rikhawdar ramri gate thla 2 chung an khar lai

Coronavirus zawtnak ruangah Chin state le India ramri ah a ummi Rikhawdar ramri gate cu India lei in March 15 thok in an khar cang i thla 2 chung an khar lai tiah kan theih.

Rikhawdar khua No.2 sang ukbawi Pu Chan Liama “Mizoram ah a um i kir a duhmi khualtlung pawl cu chuah kan onh ko hna. Nain, hika ah a um i khika lei kal a duhmi cu kal kan sianh hna lo.”

“Ramri ah a ummi tu ca ahcun dinei kong le a herhtukmi a um ahcun nawlpeknak catlap pawl he chuah/luh khawh a si. Nain, an ngandamnak ttha tein kan check hna hnu lawngah kan luh/chuahter hna. Cun, ramri gate hi thla chung kan khar lai i thil sining ka zoh chom te lai,” tiah a chim.

Coronavirus zawtnak ruang ah Myanmar-India ramri gate dihlak cu India cozah lei nih March 15 thok in a khar i ramri ah rian a ttuanmi pawl cu dinei kongah harnak an tong ti a si.

China ah rian a ttuanmi Kawlrammi 600 leng Myanmar ah kuat an si lai

Pu Chan Liama nih “A hlei in Rikhawdar No.2 sang le khatlei Zokhawdar khua ah rian a ttuanmi pawl cu harnak an tong ngai lai. Zokhawdar cu hika lei tluk in chawlehnak ah a sinpi lo. Chawlehnak a tuah lomi zong harnak an tong lai,” tiah a chimchap.

Coronavirus zawtnak ruangah ramri gate pawl an kharmi hi ram khat le ram khat chawlehnak a hnorsuan ko nain ngandamnak caah ralrin can ah tuahmi a si i ngandamnak lei ahcun a tthahnem ko tiah Rikhawdar lei in nawlngeitu pakhat nih a chim. – Chin World

Malaysia
2,623,816
Mizaw Hmuhmi
Updated on November 29, 2021 12:29 pm
Malaysia
2,527,052
A Dammi
Updated on November 29, 2021 12:29 pm
Malaysia
30,309
A Thimi
Updated on November 29, 2021 12:29 pm
Malaysia
66,455
Zaw Liomi
Updated on November 29, 2021 12:29 pm

Ṭial Tharmi