14.9 C
Hakha
Sunday, July 25, 2021

Covid-19 ngeimi Chin pa a thloptu sibawi pa a lungrethei

Tedim peng, Kaptel khua i UHC clinic ah aa cawng liomi Covid-19 zawtnak a ngeimi Chin pa a thlop baltu sibawi pa Phyo Kyaw nih inn ah keimah lawng ni 14 chung ka um cang ko nain Covid-19 zawtnak ka ngeih/lo an ka check lo caah ka lungrethei tiah tuni ah social media ah a ttial.

Dr Phyo Kyaw cu Kalaymyo a umnak inn ah ni 14 chung a um cang nain Covid-19 zawtnak a ngeih/lo an check/test lo caah a chungkhar sinah a kir ngam lo.

“Coronavirus an hmu sin te in Tedim peng, Kaptel khuate cu luhchuah an phih i mizaw pa he aa neihniammi khuami 36 zong lengchuak loin inn ah an um ter hna. Thaizing April 7 hi inn an umnak ni 14 a tling cang lai nain atu tiang Covid-19 rungrul an ngeih/lo aho hmanh an test rih hna lo. Ka lung nuam lo” tiah Dr Phyo Kyaw nih a ttial.

Myanmar Ngandamnak Vuanci Zung lei in biachimtu Dr Thar Tun Kyaw nih “mizaw he aa neihniam mi chungin lunghrinhmi lawng kan test hna. Zawtnak an ngeih/lo ralrin ah zohkhenhmi paoh (quarantine) virus an ngeih/lo test kan tim hna lo,” tiah a chim.

Dr Phyo Kyaw nih Covid-19 rungrul an ngeih/lo test lo pi cun Kaptel khua cu a thiang ko tiah aho nih dah a fehter lai i luh/chuah phihmi cu a on tthan te lai ti cu kan hngah rih lai tiah a ti fawn.

Covid-19 zawtnak ngeimi Chin pa cu March 19 ahkhan Kalaymyo um Dr Phyo Kyaw sikhan ah aa va piah i Dr Phyo Kyaw nih Tedim peng Ngandamnak Zung ah thawng a thanh hnu in amah lawng inn ah a um.

March 21 ah Chin pa cu Tedim sizung ah an kuat i virus a ngeih/lo an test. March 23 ah Myanmar Ngandamnak Vuanci zung nih Covid-19 zawtnak a ngei tiah a fehter. – RFA

Malaysia COVID-19

Malaysia
996,393
Mizaw Hmuhmi
Updated on July 25, 2021 3:46 am
Malaysia
834,858
A Dammi
Updated on July 25, 2021 3:46 am
Malaysia
7,902
A Thimi
Updated on July 25, 2021 3:46 am
Malaysia
153,633
Zaw Liomi
Updated on July 25, 2021 3:46 am

Ṭial Tharmi