16.7 C
Hakha
Tuesday, July 14, 2020

Coronavirus update: Chinpa Thlacampiaknak Puai an tuahnak Kaptel khua cu cozah nih lockdown tuah

- Advertisement -

Covid-19 zawtnak a ngeimi Chinpa thlacampiaknak puai an tuahnak Chin state, Tedim peng i Kaptel khuate cu lockdown (Community Quarantine) kan tuah cuahmah cang, tiah Myanmar President Office aiawh biachimtu U Zaw Htay nih thawng a thanh.

“Amah he aa chawnbia mi le aa tongmi vialte cu adang tein kan chiah thluahmah hna lio asi. Tedim peng in thinphang thlalau in Kalay (Sagaing) lei ah kal zong rikhiah asi cang.

“Chinpa pre-wedding hman aa thlaknak dawr le a rak kalnak pawl i a chungkhat vialte cu leng chuak loin inn ah kan chiah (Home Quarantine) dih cang hna.

“Ramdang in a rung tlungmi paoh cu ni 14 chung leng chuak loin an inn ah umter an si lai.

“Kalay-Tedim luhchuah ri kan khiah cang lai. Sagaing state/region chung i hlei ngan pawl ah mipi ngandamnak kan check dih lai i punghman si lomi paoh adang tein kan chiah hna lai.

“Zawtnak karh kham dingin felfai tein kan tolrel cuahmah lio asi. Penguk Zung (GAD) le Ngandamnak Zung lei zong nih Chinpa he aa tongmi pawl cu an kawl cuahmah hna i an tlaih khawh tawk an tlaih hna i adang tein an chiah cuahmah hna.

“Amah he kaa tong tiin a ruatmi paoh nih nanmah tein ngandamnak lei ṭuanvo ngeitu sinah i check uh. Nanmah lawng si loin nan chungkhar le nan pawngkam, nan khuami ca zongah damnak asi.

“Rammi hna nih Ngandamnak le Zaanglek Zung chuahmi cawnpiaknak pawl hi ningcang tein kan zulhpiak cio uh.

“Kan doh ṭi hna lai,” ati.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...