12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Coronavirus ruangah ‘Corona Beer’ company sipuazi a tla ngai

    Ṭial Tharmi

    - Advertisement -

    Vawlei cung ram tampi ah coronavirus zawtnak a kharh hnu in ‘Corona Beer’ company a sipuazi a tla ngai. Social media ah Mexico ram chuak corona beer cu caponak zongah an hman len.

    January 18 thok inkhan Corona beer cu online ah “corona beer virus”, “beer virus” le “beer coronavirus” tiin kawl ahcun hmuh a si. Cucaah, mah beer ruang ahhin coronavirus a chuak tiin a zummi zong an um ti a si.

    Nain, Corona beer company nih “kan customer pawl nih cun China ram, Wuhan khua in aa thokmi virus le kan beer cu pehtlaihnak a ngei lo ti an theih ko lai ti kan zumh” tiah a ti.

    Corona beer cu US ram, New York khuapi pakhat chung lawng hmanh ah an manh ning 8% a tla.

    “2020 thla 2 chungah, coronavirus ruangah China ram ah manh hnga dingmi $280 million dengmang kan sung cang,” tiah beer company nih a ti.

    US ram ah a manbikmi beer hi Guinness le Heineken an si i pathumnak ah Corona beer hi a si.

    Corona beer sipuazi a tlaknaknak a ruang cu coronavirus ruangah pakhat, mibu lak ah puai tuah a tlawm cang, tthial caan si nain rili kam ah a kalmi minung an tlawm cang caah a si tiah YouGov nih a langhter.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.