19.5 C
Hakha
Monday, November 29, 2021

Coronavirus ruangah Chinmi le India rammi Bawinu tiva ah an i vel

Coronavirus zawtnak ruangah India ram Mizoram state le Myanmar ram Chin state ramri luhchuah an phih ruangah March 15 ah ramri khua mino pawl an i vel.

Chin state Matupi peng, Lungcawite khua pa cu March 15 ah India ram Mizoram state i Saiha peng Chakei khuate um a naunu tlawng dingin ramri a phiat lio ah Siasi khua (Saiha peng) pawng i Bawinu tiva kam ah ramri a hngakmi Mara mino bu (Mara Thyutlia Py) nih an ram (India/Mizoram) luh an sian lo.

Luh an sianh lo ruangah, Lungcawite pa cu an khua ah a kir i mino pawl aa sawm hna hnu ah ramri hngak Mara mino pawl umnak ah a kalpi hna i a bubu in an i vel, tiah Mizo Special Report nih a thanh. An i velh lio video cu March 15 ah social media ah an tar len.

Mah kong he pehtlai in, Lungcawite khua nupa cu Siasi khua ah an kal i khuami cu ngaihthiam an hal hna hnu ah an i ngaithiam.

Chin state he aa rimi Mizoram state thlanglei Saiha district i ramri khuate 10;

  1. Lodaw,
  2. Chapi,
  3. Lopu,
  4. Khaikhy,
  5. Zyhno,
  6. Lomasu,
  7. Iana,
  8. Siasi,
  9. Laki le
  10. Khopa ah ram 2 kar luhchuah cu Saiha district cozah nih March 7 ah a phih hnu in ramri khuate pawl ah mino pawl nih ramri an ven.

Charhchan: Khonumthung

Malaysia
2,623,816
Mizaw Hmuhmi
Updated on November 29, 2021 1:29 pm
Malaysia
2,527,052
A Dammi
Updated on November 29, 2021 1:29 pm
Malaysia
30,309
A Thimi
Updated on November 29, 2021 1:29 pm
Malaysia
66,455
Zaw Liomi
Updated on November 29, 2021 1:29 pm

Ṭial Tharmi