20.1 C
Hakha
Wednesday, June 16, 2021

Colombia ram in a rak kirmi Song Joong Ki cu ni 14 chung inn ah a um lai

2016 ah a chuakmi ‘Descendants of the Sun’ drama in mipi nih uar ngaimi Song Joong Ki cu nizaan ahkhan Colombia ram in South Korea ah a kir i coronavirus a ngeih/lo theihnak caah inn ah ni 14 chung a um lai.

Song Joong Ki agency Hi-Story DNC nih “Song Joong Ki cu dam tein South Korea a phan cang. Vanthat ah zawtnak ngei lo. Caan zeimaw zat aa din rih lai,” tiah March 24 ah a thanh.

Song Joong Ki cu tu kum January thla inkhan ‘Bogota’ movie thlak ruah ah film lei rianttuan pawl he Colombia, Bogota khualipi ah an kal. ‘Bogota’ movie cu 1990 lio ah kum 30 hrawng South Korea pa Bogota khualipi ah a rak pemnak kong tuanbia thlakmi a si. Sualnak kong le thinphang movie a si.

March 16 ahkhan Colombia cozah nih a ram ah ramdang khualtlawng khamnak a tuah hnu in ‘Bogota’ move tawlreltu, rianttuantu le lemcang pawl cu movie thlak ngol in South Korea ram ah tlun an i tim.

2008 chuak ‘A Frozen Flower’ cu Song Joong Ki nih avoi khatnak bik video aa thlakmi a si. ‘Descendants of the Sun’ drama ah amah he aa thla ttimi Song Hye Kyo he 2017 October 31 ah tthium puai an tuah. Nain, an lungput aa keih lo caah ni kum June thla ahkhan phungning tein an i tthen.

Song Hye Kyo he an i tthen hnu ah Netflix chuahmi ‘Arthdal Chronicles’ drama aa thla.

Malaysia COVID-19

Malaysia
667,876
Mizaw Hmuhmi
Updated on June 16, 2021 1:45 pm
Malaysia
593,695
A Dammi
Updated on June 16, 2021 1:45 pm
Malaysia
4,069
A Thimi
Updated on June 16, 2021 1:45 pm
Malaysia
70,112
Zaw Liomi
Updated on June 16, 2021 1:45 pm

Ṭial Tharmi