Chungkhar Benhnak Kongah UNHCR Chimmi

UNHCR nih Chin ralzaam card a pek tthan hna lai

Ralzaam ah pom cangmi nih chungkhar benh duh ahcun UNHCR zung ah kal in chim khawh a si. Siloah ca in kuat khawh a si.

Cu hnu ah, zung nih a caan a zat tikah auh te ding a si.

Cun, ralzaam ah pom a si rih lomi Asylum seeker pawl zong chungkhar benh duh ahcun UNHCR zung ah chim khawh tthiam a si ve. A cunglei bantuk khin a caan phak tikah auh an si ve ko lai.

Amah balte, ralzaam an si ah Asylum Seeker an si ah harnak fakpi a tongmi (ngaktah, mizaw tibantuk) kha auh hmasa in tuah piak hmasa an si lai.

Buak tlak in cun ralzaam ah pom cangmi kha auh le tuahpiak hmasa a si.

UNHCR zung ah chungkhar benh dingin ca kuat silole thawng thanh hnu ah zeitik tiang hngah a hauh titu cu chim khawh a si lo.

Cheukhat chungkhar cu an fale kum 14-15 an si lio ah zung nih a benhpiak colh hna lo. Kum 3,4 ahcun kum 18 an tling cang. Cutikah, nulepa cheukhat cu ka fa kum 18 a tling cang, zung ah kan benh kho ti lai lo tiin an lungrethei.

Nain, UNHCR nih cun atu an kum kha zoh loin chungkhar benh dingin zung i an rak kalnak nithla tu a zohpiak hna. Thinphan ding a umlo.

“Chungkhar khat kan benhpiak colh lomi hna hi UNHCR lei chanbau a si. Mah ruang ahcun, ngakchia cu atu an kum zoh loin benh dingin an rak rat nithla tu kha kan zoh,” tiah UNHCR nih a chim. _ CRC