Chinmi 60,000 leng ‘refugee’ in US kan phan cang

US ram ah ralzaam in Chinmi 62,147 kan phan cang, tiah BACI (Burmese American Community Institute) nih a thanh.

Kum 2000 thokin US ram ah Kawlrammi 177,608 hi ralzaam in kan phan cang. Mah chungah Karen miphun an tambik i a changtu ah Chin kan si.

Kum 2000 thokin US phan Kawlram ralzaam miphun;

  • Karen = 73,626
  • Chin = 62,147
  • Kayah (Karenni) = 13,188
  • Kawl (Burman) = 6,055
  • Kachin = 4,139
  • Rakhine (Arakanese) = 2,592
  • Mon = 2,341
  • Shan = 1,235
  • Adangdang = 12,285
  • Fonh = 177,605

Minung 177,605 chungah 31,500 leng hi Indiana state i khua kip ah kan um hna.

Indianpolis khuapi lawng ah minung 21,500 leng kan um. Mah chung Chinmi kan tam cem i minung 18,432 kan um.

Fort Wayne khuapi ah Kawlram ralzaam 10,000 hrawng kan um ve.

Ralzaam in a phanmi le phun dangin a phanmi US Kawlrammi dihlak hi ting 3 hrawng kan si lai, tiah BACI nih a ruahdamh.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.