12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Chindwin Tiva ah tilawng accident in minung 5 an thi

    Ṭial Tharmi

    - Advertisement -

    Zarhpini ahkhan Sagaing ramtthen i Monywa pawng, Chindwin Tiva ah tilawng accident in minung 5 an thi.

    Minung 11 le zinan tampi a phormi tilawng cu Monywa in Kalaywa lei ah a kal lio ah tilawng dang pakhat aa pah sual.

    “Tilawng cu hlei pawng ah a ummi adang tilawng chawhkanh dingin rang takin a kal. A mongtu nih a control kho ti lo i chawhkanh a timhmi tilawng cu a sirlei in a pah i ti chungah a pil,” tiah a hmutu Ko Kyaw Soe nih a chim.

    Mikhamhtu nih an chimhnak ah; tilawng mongtu, rianttuan 2 le ngakchia 2 ruak cu tilawng in sisung ah an kalpi.

    Chindwin Tiva cu Sagaing ramtthen chung thil kuatnak lam ah an hman ngaingaimi a si. Khualtlawng tampi zong nih tilawng in an zulhmi lam a si.

    Tlang kar in a luangmi tiva a si caah tilawng in khualtlawn cu ttihnung ngai, a thimi zong an um pah lengmang.

    Tiva Lam Nawlngeitu Hna zong nih ‘rang tuk in tilawng mongh lo ding le tilawng ah thil tam tuk khin lo ding’ in ralrin peknak an tuah. Nawl a ngai lomi cu tangka ting 3 dantat le kum 3 tiang thongthlak ding, an ti. — The Irrawaddy

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.