15.1 C
Hakha
Wednesday, September 30, 2020

China um Chin pa ‘coronavirus’ zawtnak a ngei tiin company nih ramtang ah a hlonh

- Advertisement -

China ram ah kuli rianṭuan tlangval Vanlalmawia cu coronavirus zawtnak a ngei ti lunghrinh in company nih ramtang ah a hlonh, tiah kan theih.

China ram, Shandong province i Weihai khua um tinang chuahnak company ah rian a ṭuan lio ah a zaw. Company ṭuanvo ngeitu pawl nih coronavirus zawtnak a ngei tiin an lunghrinh caah February 13 ah tupi chungah an va hlonh.

Vanlalmawia cu Kalaymyo, Tahan sangah khuasami Pu Vanlaldika le Pi Lallianpuii hna i an fapa kum 23 asi.

Kan hnu zarh in a damlo caah company ṭuanvo ngeitu pawl nih sekhan ah an piahter. A lei hit i bia chim aa harh, thaw chuah aa harh, a kutke hit i an fak. Cucaah company ṭuanvo ngeitu pawl nih atu lio China ram khuacimui in a chiatu coronavirus zawtnak a ngei tiin an lunghrinh i tupi chungah an va hlonh, tiah Vanlalmawia a unu nih a chim.

Khua leng tupi chungah an hlonh hnu ah khua leng um inn ṭhing pakhat chungah zaan khuadei a um. February 14 zingka ah khua chung a phan kho ṭhan nain a ke hih caah harnak tampi a tong. China ram um Myanmar rammi pawl sinah a chungkhar nih bawmh an halpiak.

Vanlalmawia cu Myanmar in China ram ah rianṭuan dingin 2019 February ah a kal i rian a ṭuannak kum bakte asi cang. Atu rian a ṭuannak company ah a luhnak cu thla 1 hrawng lawng asi rih.

A chungkhar nih an chim ning ah, atu cu China um Chinmi cheukhat nih bawmh dingin khua an khan lio asi. Vanlalmawia zong cu an umnak khua pawng i khua pakhat chungah a um, i a hawipa Remruata nih va lak a timh lio asi.

Charhchan: Khonumthung

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...