26.5 C
Hakha
Monday, June 1, 2020

China sii lei thiamsang 12 cu Covid-19 doh ah Myanmar ram an phan

- Advertisement -

Myanmar ram ah Covid-19 zawtnak doh dingin China in sii lei thiamsang 12 cu April 8 ah Yangon International Airport an phan.

Sii lei thiamsang 12 cu Yunnan pronvince in a rak rami an si i Covid-19 dohnak caah a herhmi sii, testnak thilri pawl zong an rak i phorh chih.

Anmah pawl cu mizaw zual zohkhenhnak (ICU), epidemics, infection prevention, control and laboratory testing le Tuluk kokek silei ah thiamsang an si hna.

“Anmah nih Covid-19 zawtnak a karhnak hnga lo i ven ning le mizaw zual zohkhenh ning a kan bawmh lai,” tiah Myanmar Ngandamnak Zung nih a ti.

Sii lei thiamsang pawl cu ni 14 chung an cam lai i China ram ah an tonmi kha Myanmar sibawi pawl an cawnpiak hna lai.

Cun, Covid-19 zawtnak testnak National Health Laboratory caah ni khat ah minung 200 testnak thilri zong an bawmh hna.

“Minung tampi test khawhnak thilri an kan phorh chih caah an cungah kan i lawm tuk,” tiah Ngandamnak Zung in Dr. Myint Htwe nih a chim.

China ram ah coronavirus zawtnak in a thimi dihlak hi minung 3,300 leng an si. Nain, atu ahcun zawtnak karh lo dingin an ven khawh cang.

Covid-19 aa thoknak Wuhan khua cu ni 76 chung lockdown hnu ah Nithumni ahkhan an on tthan i atu ahcun mipi cu China ram chung an duhnak hmun paoh ah an tlawng kho cang.

March 17 ahkhan China nih minung 2,000 leng ca Covid-19 testnak thilri cu Myanmar a bawmh.

March 26 zongah China nih PPE set 5,000, N95 mask 5,000 le surgical mask 200,000 cu Myanmar a bawmh fawn.

Myanmar ram ah Covid-19 zawtnak ngeimi minung 22 an si i 3 an thi.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...