29.1 C
Hakha
Tuesday, March 31, 2020
More

    China nih Rakhine ah Tilawng Dinhnak ngan taktak a sak lai, $1.3 billion leng a dih lai

    Ṭial Tharmi

    - Advertisement -

    Rakhine state, Kyaukphyu khua kiang rili ah China nih ’tilawng dinhnak (seaport)’ ngan taktak a sak lai. A herhmi tangka 70% cu China International Trust and Investment Corporation Consortium (CITIC) nih a chuah lai i 30% cu Myanmar nih a chuah lai, tiah Chawlehnak Vuanci Changtu U Aung Htoo nih a chim.

    607.88 acres kau ah tilawng dinhnak cu a sak lai. Cun, 2446.07 acres kau ah zung pawl a sak hna lai i 1235.37 acres kau ah inn tampi a sak hna lai.

    Kyaukphyu Special Economic Zone Management Committee le CITIC Consortium nih 2018 November 8 ahkhan Naypyitaw ah lungtlinnak min an thut cang. 2020 January 18 zongah min an thut ṭhan.

    Acunglei langhtermi vialte cu China cozah company CITIC Consortium le Myanmar ramchung company 42 funtomnak bu Kyaukphyu Special Economic Zone Holdings Group nih an sak lai.

    Hlutdaw Niam meeting ah MP U Khin Cho (Hlaingbwe mee kuang) nih a hal lio ah Chawlehnak Vuanci Changtu U Aung Htoo nih acunglei bangin a leh.

    Chawlehnak Vuanci Dr. Than Myint nih, “rianṭuan cu a khoh khoh in ṭhen asi i a khoh khatnak caah US dollar 1.3 billion hrawng a dih lai,” tiah a chim.

    “Rianṭuan thok dingin China he lungtlinnak kan ngei cang,” ati.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.