29.1 C
Hakha
Tuesday, March 31, 2020
More

    China ah coronavirus zawtnak in minung 1,500 leng an thi cang

    Ṭial Tharmi

    - Advertisement -

    Hubei province ah coronavirus zawtnak in minung 139 an thih chap hnu in tuni tiangah China ram ah coronavirus in a thimi minung 1,500 leng an si cang.

    COVID-19 zawtnak a ngei tharmi minung 2,641 an si tiah province cozah nih thawng a thanh.

    Zawtnak cu ni kum December thla ahkhan Hubei khuapi Wuhan in aa thokmi a si i atu tiangah minung 1,523 an thi cang i a zawmi 66,000 leng an si. Hubei province in a thimi an tambik.

    China cozah nih Tuluk Kumthar dih in Beijing khuapi ah a rak kirmi pawl cu mah inn cio ah ni 14 chung um ding in nawl a pek hna. A zul lomi cu fak piin dantat a si lai tiah nizaan ah thawng a thanh.

    Vietnam cozah zong nih Tuluk Kumthar dih in a ram ah a rak kir tthanmi Tuluk rianttuan 5,000 leng cu virus an ngeih/lo kan zohfel hna lio a si tiah nizaan ah a thanh.

    Myanmar ram zong ah Tuluk Kumthar dihin a rak kirmi Tuluk miphun an tampi ve ti a si.

    Vawlei Ngandamnak Bu (WHO) le Tuluk cozah i bawm in dirhmi bu nih coronavirus zawtnak a karh ning le ttih a nun ning cu tu zarh chung in kherhlai hram an thok lai.

    China ram ah coronavirus zawtnak in sibawi/nurse 1,716 an zaw ve i minung 6 an thi cang.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.