29.1 C
Hakha
Tuesday, March 31, 2020
More

    China ah Coronavirus in minung 425 an thi cang

    Ṭial Tharmi

    - Advertisement -

    Beijing — Tuni February 4 tiangah China ram ah coronavirus zawtnak in a thimi 425 an si cang, tiah China cozah nih a thanh. February 4 lawngah a thimi 64 an si.

    Hubei province/state hi coronavirus zawtnak nih fak bikin a denmi asi. Hubei province cozah nih ni fatin a thimi le a zawmi cazin a thanh peng. A zaw tharmi 3,235 an um.

    China ram pumpi ah coronavirus in a zawmi 20,400 an si cang.

    Vawlei pumpi ngandamnak ca tiangah tihnung tuk a hung si cangmi zawtnak cu December thla ahkhan Hubei province khualipi Wuhan khua i saram an zuarnak market in aa thok, tiah zumh asi.

    Atu cu vawlei cung ram 20 lengah a karh manh cang. Ram 20 ah coronavirus in a zawmi an um cang.

    Philippines ram ah minung 1 a thi cang. China ram lengah coronavirus in a thimi cu amah lawng si rih.

    Karh chin hlah seh tiin China cozah nih biatak tein a control i atu hi hmurhuh, i vennak thilthuam le mitbenh ‘kan herh tuk’ tiah thawng a thanh.

    Charhchan: CNA [Singapore]

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.