22.3 C
Hakha
Wednesday, February 19, 2020
More

    China ah coronavirus in minung 1,000 leng an thi cang, a zawmi 42,000 leng an si cang

    Follow Us

    99,952FansLike
    440SubscribersSubscribe

    Ṭial Tharmi

    - Advertisement -

    Coronavirus zawtnak aa thoknak China ram, Hubei province/state ah minung 103 an thi chap i tuni (February 11) tiangah a thimi minung 1,011 an si cang tiah China cozah nih thawng a thanh.

    Hubei Ngandamnak Zung nih “kan province chungah coronavirus in a zaw tharmi minung 2,097 an si” tiah thawng a thanh.

    China cozah nih hmasa thawng a thanhmi he fonh ahcun a zawmi dihlak minung 42,200 an si cang.

    Coronavirus zawtnak cu December 2019 ahkhan Hubei khualipi Wuhan khua i saram an zuarnak market in aa thok tiah zumh a si.

    China President Xi Jinping nih February 10 (nizaan) ah Beijing khuapi um sizung rianttuan pawl a ton hna i “mah zawtnak hi a karh chinnak hnga lo biatak deuh in kan tawlrel a hau” tiah a chim lio cu cozah thawngthanhnak CCTV nih Live a thlah.

    Vawlei Ngandamnak Bu (WHO) in thiamsang team pawl cu kan hnu zarh Nikhatni ahkhan China ram an phan. 2014-2016 tiang West Africa ah Ebola zawtnak kham rian a rak hruaitu Bruce Aylward nih a hruai hna.

    Thiamsang bu an phak hlan deuh ah WHO lutlai Tedros Adhanom Ghebreyesus nih “China ram ah a tlawng bal lomi ramdangmi cheukhat zong coronavirus zawtnak an ngei ve i thinphang ngai si cang” tiah ralrin peknak bia a chim.

    Nizaan Nikhatni tiang ah Britain ram zongah coronavirus in a zawmi minung 8 an si cang, mah zawtnak hi tihnung tuk mi le a karh fawimi tuk a si tiin cozah nih thawng a thanh.

    US President Donald Trump nih “April thla hrawng ahcun khua a lin lai i mah zawtnak hi a tlau te ko lai tiah ka zumh” tiin a chim. – AFP

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.