17.1 C
Hakha
Tuesday, July 14, 2020

Chin state i video kan i thlak cu harnak tampi kan tong: Min Thant Mg Mg

- Advertisement -

Director Min Thant Mg Mg: August 2, 2019 ahkhan “A Flower Above The Clouds” movie thlak ruah ah Chin state kan phan. August 28 lawng ah Yangon kan kir, thla 1 dengmang kan caam.

Tlang zong kan kai, ruah a sur tik ah harnak tampi kan tong. Ka pa dam lo i keimah deuh lawngte nih ka ttuan.

A Flower Above The Clouds movie a chuah tikah zeitluk in dah rian kan i zuam ti kha nan hmuh te ko lai. A zohtu mipi caah sullam ngeimi si lai. Cun, mipi pawl an thinlung hlimhhlauter kan duh hna. A chuah tik ah nan hmuh te lai ko.

Thantlang khua zong ah video kan i thla. Tlang ah kan kai. Ruah zong a sur. Motor cit zong har a ngaite. A tamtuk cu ka chim duh rih lai lo. A chuah hnu tu ah ka chim tthan te lai.

Korean actor Ryu Sang Wook cu a rian ah aa biatak tuk i, a tlamting ngai. A caan a upat, video thlak thok hlan in make-up zong ready in aa thuh. Lemcan zong a thiam.

Hi video thlak ahhin ka pa (Zin Yaw Mg Mg) he rian kan i zuam tuk. A dang movie he tahchun ahcun thil thar a si i phundang te a si. Hmailei zongah a zohtu mipi hna thazaang peknak video pawl thlak kaa zuam lai. – MC

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...