10.3 C
Hakha
Friday, February 21, 2020
More

    Chin state ah ti-electric 5 tuah dingin cozah nih Tuluk company a cohlan

    Follow Us

    99,971FansLike
    441SubscribersSubscribe

    Ṭial Tharmi

    - Advertisement -

    Chin state cozah nih China khualipi Beijing ah hrambunhmi company PowerChina International Group, Ltd., cu Chin state chung peng 4 ah a laivuang ti-electric tuahnak nawl a pek.

    Sipin le Mei Vuanci Pu Soe Htet nih, “sak hram thok dingin cozah he lungtlinnak min an thut hlan ah kum 1 chung a hmun an zohfel hmasa lai,” tiah a chim.

    “Lungtlinnak kan ngeih ning ahcun, kum 1 chung tiva an zohfel hmasa lai. Tiva hi ti-electric tuahnak caah a ttha ko an ti ahcun tuah hram thok dingin min kan thut te lai. Atu hi tiva an zoh lio si,” a ti.

    Ti-electric tuahnak hmun an zoh liomi hmun 5 hna cu;

    • Buanlung (Hakha peng)
    • Timit (Hakha peng)
    • Ngaphaipi (Thantlang peng)
    • Pae Tin Wa (Paletwa peng) le
    • Ruava (Matupi peng) hna an si.

    Tidil 1 nih mei tha 30MW cio chuah kho dingin saduhthah asi.

    MP Van Thawng nih, “ningcang tein an lim khawh ahcun Chin state caah hlawknak tampi a chuahpi lai ti ka zumh,” tiah a chim.

    “Thil ttha ngai asi. Doh a herhnak aruang pakhat hmanh ka hmu lo. Chin state tthanchoanak caah a ttha lai tiah ka ruah. Kan fingtlang ruangah ti-electric ser hi a ttha deuh tuk.

    “Keimah ruahnak ahcun, ningcang tein an lim paoh ahcun kan ram nih hlawknak a hmuh lai i a tthangcho ko lai ti ka ruah,” tiah a chimchap.

    U Soe Htet nih, “mah bantuk hin Chin state ah a laivuang ti-electric 3 tuah dingin Norway company pakhat he zong lungtlinnak min kan thut cang. Kum 1 chung tiva an zohfel hnu ah tuah/lo kong biafiang um te lai,” tiah a chim. — Khunumthung

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.