Chin state ah thlakmi movie cu tu kum dongh lei ah zoh khawh si te lai

Chin state ah thlakmi 'A Flower Above The Clouds' cu tu kum dongh lei ah zoh khawh te lai

Tu kum dongh lei ah zapi zoh khawh ding in timhtuahmi Korea ram le Myanmar ram hnih hawikomhnak caah thlakmi ‘A Flower Above The Clouds’ cu tluang tein an lim cang. Movie cu a bik in Chin ram, Thantlang khua ah an thlak mi si. Video dihlak thlak mi i 60% cu Thantlang khua chung ah an thlak i, 30% hi Korea ram ah thlak. 10 % lawng hi Kawlrawn ah thlak a si.

Movie thlaknak ah a biapi in aa telmi Fidi /Fitlaw (minta mintami) pawl cu Academy Wutt Hmone Shwe Yi, Academy May Than Nu, Kyaw Thet Aung, Korea minta Ryu Sang Wook, Korea mintami Park Yeni, Director Academy Zin Yaw Mg Mg, Director/Camera Tung Pong, Director Min Tanh (Zin Yaw Mg Mg fapa) hna an si .

Atu tan Chinram, Thantlang khua ah an thlak mi A flower Above The Clouds movie thlaknak ah hin Kawlram tangka Kyats ting 5,000-6000 tluk a dih lai tiah Director Zin Yaw MgMg nih a chim .

Hi movie thlak ah hin Korea ram ah zarh hnih , Thantlang khua ah Zarh thum thlak a si. Khalrawn ah zarh khat thlak a si lai. Zeiruang ahdah movie hi Furpi, ngaidaw lak ah Chinram, Thantlang khua theng te ah tangka a hlei dih le lam chia, lam nal lakah an rak i thlak duh hnga ti hi ruah lo awk a tha lo .

A ruang a um, kan Chin ram tthanchonak caah chun, zaan in khua a ruat peng mi kan pa Vice President Pu Henry Van Thio Thawng in a si . Thantlang i an rak i thlak ruang ah hin an i timh mi nak leng in tangka an dih.

Kawlrawn in riantuantu minung 80 an rak ra. Rian ngeitu An ba ngaingai. Khuami tu cu kan i lawm kan hmai a hngal ngaingai. Kawlram minthang lawng te kan khua kanram an rak phak mi cu lomh a um tuk hringhran. – Big 5 Film Production