Chin ram khuate 600 leng mei peknak kong Rampi Hlutdaw ah an ceih lai

Chin ram khuate 600 leng mei peknak kong Rampi Hlutdaw ah an ceih lai

“Chin ram khuate ah a ummi Maha-dat-aa-line he meng 10 leng aa hlatmi khuate 645 cu kum 3 chungah electric mei pek dih dingin khuakhan a si. Italy cozah nih a karh loin a kan cawihmi tangka in tuah ding a si,” tiah Paletwa MP U Myo Hteik nih a chim.

Italy cozah cawihmi tangka in Rammi Mei Peknak Program (NEP) cu Chin state, Sagaing le Naga regions chung khuate hna ah tuah a si lai i, kum 3 chungah lim a si lai, tiah kan theih.

“August 3 ah Rampi Hlutdaw meeting ah mah kong cu kan chuahpi lai i an ceih hnu ah an fehter ahcun rianttuan thok colh a si ko lai,” tiah MP U Myo Hteik nih a chim.

“An fehter lai/lo ti cu chim khawh a si rih lo. An fehter ahcun cozah nih rian a ttuan ko lai. Atu cu ceih dingin chiahmi lawng a si rih,” tiah a chim.

Rampi Hlutdaw nih a fehter ahcun, 2018-19 Tangka Kum chungah Chin ram khuate 215 nih mei an hmuh lai, 2019-20 Tangka Kum chungah khuate 215 nih an hmuh ve lai i 2020-21 chungah khuate 215 nih an hmuh ve lai.

Cutin kum 3 chungah Chin ram i khuate 645 nih inn-hmanmi solar a tha-tlawmmi electric an ngah lai. – Khonumthung Burmese

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.