19.5 C
Hakha
Monday, November 29, 2021

Chin ngaknu cu Facebook in Kawlram tangka ting 15 an hlen

Singapore ah rian a ttuanmi Chin ngaknu pakhat cu harsa ngai in a hmuhmi tangka S$1,353.79 (1.5 million kyats) mifir nih Facebook in an hlen i a sung dih.

A duhmi cawk hmanh i sum riangmang in thla 3 chung aa khonmi lahkhah a si.

A lungrawk tuk hringhran.

Midang pawl ralrinnak caah tiah hitin ca a ttial.

Tangka a kuatnak receipt

“Hawikom rual hna, kan dihlak kan i ralrin khawhnak dingah Share cio ulaw. Promise John(De Promise) timi Facebook account nih ‘hawikom ttha kan si bang laksawng kan kuat lai aa ka ti i aa ka kuat.

“Myanmar ram ah thiltom cu a phan i mah cangka in hnahnawhnak a chuak colh. Thiltom laknak caah tangka ting 15 kuat a hau aa ka ti.

An i chawnhnak cheukhat

“Mah hnu ah, thiltom chungah tangka a um caah ngunkhuai/tax pek a hau tiin tangka an ka hal tthan. Hmasa ting 15 cu ka kuat cang. Tangka an ka hal tthan caah ka lunghring.

“Myanmar Delivery Company cu Google ah ka kawl i phone ka chawnh hna. Hnu ah, ramdang thil zeitin dah an hlam cio tawn ti zong ka hawile sin in ka theih chap.

“Hnu ahcun, mah company cu lih hrokhrawl in tangka hal a hmangmi an si ti ka hngalh. Tangka an ka hal chapmi cu ka kua ti hna lo.

“Khatlei in aa ka hlengtu nih aa ka block. Mi nih laksawng le bawmhnak tangka pawl an in kuat chih len hna zongah hlam hin hlah u mu hawile hna.

“Siaherhnak te he kan rak hrawmh vemi hna a si,” a ti.

Chin nu nih tangka a hal tthan len nain a chawn duh ti lo

“Keimah te hmanh semrel tein ka nung. Ka awr duh hmanh ka ei lo, ka duhmi zong kaa cawk lo. Cawk lo awk ttha loin a herhmi lawng ka cawk.

“Nain, ka chanbaunak cu, mi pakhat khat harnak an ton tikah zeihmanh kaa sai lo ti phun in ka um thiam lomi hi si.

“Zaangfah ruang le zawnruah ruangah atu le tu tangka ka sung lengmang. Atu cu ka lungput hi ka huat tuk cang. Na hngal cang lai maw? Na hngal cang lai maw? tiah voi tampi i bengh len ka duh,” tiah a ttial chih.

“Tahan in Singapore ah a rami Chin nu pakhat zong Facebook in tangka tam ngai an hlen ve hoi cang,” tiah Singapore um Chin ngaknu pakhat nih The Chin Express ah a chim.

Ralrin taktak a herh

Atang video hi zoh hmanh. Australia nu cu “kan duh ee, cu e kha e…” tiah online in an helh. Dollar thongsawm tampi an hlen hnu ah Philippines ram ah an auh amah theih loin a bag chungah rithaisii an sanh. Malaysia ram ah vanlawng i thleng dingin a ttum lio ah palek nih rithaisii he an tlaih i “thih daan” an pek.

Australia rammi dang tampi zong dollar thong sawm tampi an hlen hna i an nunchung an i khonmi tiang a dih cikcek. Ttah-haa-mang in an um hna.

Malaysia, US, Canada, Australia le UK rammi pawl zong tangka billion tampi an hlen cang hna. Hi bantukin Facebook le dating apps pawl ah tangka hlen i atu lio ramkip nih an buaipi taktakmi a si.

Hihi philh hrimhrim hlah, “A mihring na hngalh lomi minung cu zeitik hmanh ah tangka kua hlah!”

Atanglei video pawl hi zoh hmanh. Ramkip ah online in a phunphun in an chawnh hna i tangka an hlen hna.

Chinmi dang hlen an ton tinak hnga lo SHARE kan bawm ve. The Chin Express nawl loin copy hlah.

Malaysia
2,623,816
Mizaw Hmuhmi
Updated on November 29, 2021 1:29 pm
Malaysia
2,527,052
A Dammi
Updated on November 29, 2021 1:29 pm
Malaysia
30,309
A Thimi
Updated on November 29, 2021 1:29 pm
Malaysia
66,455
Zaw Liomi
Updated on November 29, 2021 1:29 pm

Ṭial Tharmi