29.1 C
Hakha
Tuesday, March 31, 2020
More

    Chin Miphun Ni a nai i Thantlang ah Lai thil a man deuh ngai

    Ṭial Tharmi

    - Advertisement -

    72nak Chin Miphun Ni cu state cozah hruainak in Thantlang khua ah tuah an timh. A ni aa naih deuh i Lai thil an man dauh ngai, tiah Thantlang khua i Lai thil zuar pawl sin in kan theih.

    Lai thil seh in tahmi pawl cu Kalay ah an cah i Laitlang ah zuar cio asi. Chan he aa tlak ningin design thar phunphun in an ṭhit hna tikah nu pawl an duh fak chin i nu ngakhcia pawl caah Lai hngawng awih le baankhih phunphun zong an ser. Chin Miphun Ni aa naih deuhdeuh i an man deuhdeuh.

    “Chin Miphun Ni aa naih paoh cun thil kan manh deuh peng. Tu kum cu Thantlang khua ah avoi khatnak bik rampumpi level in Chin Miphun Ni tuah an timh caah a ni aa naih deuhdeuh i kan thil a man deuhdeuh,” tiah dawr ngeitu pawl nih an chim.

    “Thil kan cah chap thluahmah. A ni lebang ahcun dawr ngan pawl lawng si loin dawr hme le lamkam i chikhat an zuarmi pawl hmanh an manh ngai hna.

    “A man bikmi pawl cu design dawh te le chan he aa tlak tein ṭhitmi man fawi seh tah Lai thil pawl an si.

    “Lai thil pa coat pawl zong ni kum nakin a man deuh. Khual pawl laksawng pek ding le puai ni ah hruk ding tiin a cawmi an tam ngai,” an ti.

    72nak Chin Miphun Ni cu Thantlang khua, No. 2 High School pawng certual le aakasa inn chungah February 19 in 21 tiang, ni 3 chung sunglawi emem in an tuah lai.

    Khual tampi hotel khat in an phan cang. Chin thuam (Lai thil) an i cawk len hna caah a manh khunnak asi. — Information and Public Relations Department

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.