19.5 C
Hakha
Monday, November 29, 2021

CBCUSA nih Malaysia Chin Ralzaam Sianginn (CSO) RM20,000 leng a bawmh

Kuala Lumpur – US ram ah a ummi Chin Baptist Khrihfabu 100 leng an i funtomnak bu CBCUSA nih Malaysia um Chin ralzaam ngakchia pawl sianginn an kainak Chin Students Organization (CSO) cu tuni March 7 ah $5,000 (RM20,000 leng) a bawmh.

Tu zaanlei ah Senthang Biakinn ah CBCUSA in Rev. Dr. Thlaawr Bawihrin nih $5,000 cu CSO Chairman Saya Tawk Lian Sang sinah a pek.

“Malaysia um Chin ralzaam ngakchia tampi cu an khrihfabu le pengtlang nih tuahmi sianginn cio ah an kai hna. An dihlak cun bawmh khawh ding an si lo caah Chin miphun ningpi in a huapmi CSO lawng kan bawmhnak hi si,” tiah CBCUSA sin in kan theih.

CBCUSA hi Chinmi caah bawmhnak tampi a pe cangmi a si.

Liamcia caan zongah CSO a rak bawmh bal cang. Chin state zongah Chinmi caah bawmhnak tampi a pek cang hna. Chin Christian University (CCU) zong tampi a bawmh cang.

Khrihfabu le pengtlang nih tuahmi sianginn pawl cu anmah Khrihfabu tangka an hman hna caah an tlamtling ngai, saya/ma zong lahkhah tam ngai an pek khawh hna, tiah Malaysia upa pakhat sin in kan theih.

CSO balte hi cu Chin khrihfabu pakhat hmanh nih tlamtling in bawmh a um lo caah inn hlan man le herhhai vialte saya/ma te nih anmah tein Malaysia le ramdangmi sinah bawmh an hal chom i saya/ma pawl cu lahkhah zong an ngei lo. A caan ah phone card cawknak caah RM100-200 kar hrawng cio an ting.

2013 tiang ahcun CSO sianginn cu Malaysia ram hmun 5;

  • Imbi
  • Cheras
  • Puchong
  • Loke Yew le
  • Sentul tiah an rak um nain siangngakchia an zor ruang le tangka an harsat ruangah an sianginn cu an ngol lengmang hna i atu cu Cheras le Puchong lawng an taang cang.

Cheras ah siangngakchia 70 hrawng an um i Puchong ah 39 an um.

Pumpek in cachimtu Chinmi 8 an um. Cheras ah an Chairman Tawk Lian Sang telh in saya/ma 4 an um i Puchong ah 4 an i um ve.

Malaysia
2,623,816
Mizaw Hmuhmi
Updated on November 29, 2021 1:29 pm
Malaysia
2,527,052
A Dammi
Updated on November 29, 2021 1:29 pm
Malaysia
30,309
A Thimi
Updated on November 29, 2021 1:29 pm
Malaysia
66,455
Zaw Liomi
Updated on November 29, 2021 1:29 pm

Ṭial Tharmi