17.6 C
Hakha
Wednesday, September 30, 2020

Malaysia Cameron Highlands ah Kawlrammi telhin ramdangmi 39 an tlaih hna

- Advertisement -

Putrajaya Lahwahkah le Malaysia Eihmur Dotu Bu i bawm in September 12 ahkhan Cameron Highlands i cinthlaknak hmun ah tlaihkhihnak an tuah.

September 12 zaanlei sml 4.30 in tlaihkhihnak cu an thok. Phungninglo ramdangmi rian an ttuan lai tiah lunghrinhmi pangpar dum le an hringso cinnak dum ah an luhhnawh hna.

Cinthlaknak hmun ah ramdangmi 59 an check hna. Cu chungah ramdangmi 39 cu zeihmanh ngeilomi an si.

An tlaihmi pawl hi India pa 17, Bangla pa 12, Nepa pa 7, Nepal nu 2 le Myanmar nu 1 an si hna. Cheukhat cu zaam an i tim nain lahwahkah rianttuan nih an tlaih khawh tthiam hna.

An tlaihmi hna hi passport nithla a thih hnu tiang a ummi le zei catlap hmanh a ngei lomi an si hna. An dihlak in Lenggeng camp ah thong an thlak hna.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...