16.4 C
Hakha
Thursday, July 16, 2020

Bung Zung khua ah ni 1 mirang vawlei tun ting 1 a chuah khomi sehzung le tlanglawng lam an sak lai

- Advertisement -

Chin state, Hakha peng i Bung Zung khua ah ni 1 mirang vawlei tun ting 1 a chuah khomi sehzung kan sak lai i tlanglawng lam zong kan pemh chih lai, tiah Chin state cozah biachimtu U Soe Htet nih a chim.

Sipin Vuanci U Soe Htet nih, “Bung Zung khua ah mirang vawlei sehzung kan sak ahcun ni 1 ah mirang vawlei tun ting 1 a chuah khomi kan sak lai,” tiah a chim.

“Ni fatin tun ting 1 peng kan chuah khawh ahcun Chin state chawlehnak GDP zong tampi a tthangcho lai. Mah sezung cu kan tlamtlinh hnu ah adang pakhat kan sak tthan rih lai.

“Mirang vawlei sehzung 2 kan sak khawh ahcun Chin ram ca zongah a ttha. Mipi zong rianttuan awk an ngei lai. Chin state caah siseh, rampi ca zongah thil ttha a si,” tiah a chim.

Bung Zung khua ah mirang vawlei sehzung sa dingin tender a ngahmi company cu rampi cozah sinah ngunkhuai/tax leiba tamtuk a ngeih caah tender an chuh tthan.

Cucaah, atu hi tender sok an samh tthan lio a si. Zei company nih dah a ngahte lai ti a fiang rih lo.

“Mah sehzung hi atu NLD cozah caan chungah lim dingin kan sak lai,” tiah Sipin Vuanci nih a chim.

“Mirang vawlei phorhnak caah Bung Zung tiang tlanglawng lam kan pemh te lai.

“Bung Zung mirang vawlei sehzung sak timhmi hi a duh lomi khuami cheukhat an um ko nain, an duhnak dingin rianttuan kan i zuam lai,” tiah U Soe Htet nih a chimchap. — Salai Khup Khup | Chin World

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...