14.9 C
Hakha
Sunday, July 25, 2021

Biafang khat in leh uar: Lai caholh le Mirang biafang 10

A tanglei Mirâng biafang hna hi Lai holh in leh tikah biafang pakhat an si cun biafang pakhat in leh ve hrimhrim ding ti hei sisehlaw zeitindah nan leh cio hnga? Kei ka lehning hna cu a tanglei bantuk hi an si:

1. Gay = papaduh. Sullam: Pa le pa ai duhmi. Tahchunhnak, Australia ah atu hnu kum 20 hrawng ahcun Laimi lak zongah ‘papaduh’ ṭhitumhnak a umte men lai.

2. Lesbian = nunuduh. Papaduh he ai khat caah a fiang cang. Nu le nu ai duhmi khi an si.

3. Sex = nulepasinak: Awfang 5 a ngei — nu-le-pa-si-nak. Mirâng ‘sex’ bang awfang pakhat a si khawh lo ruangah nêk ding a si lo. Bible ning bakin a kalmi kan biafang a si. Nu pakhat le pa pakhat a sawh duh lawng si loin ai ṭhi-um cangmi karlak thil tinak zong si. Lai holh in leh tikah biafang pakhat ah chuah cu a awfang (syllable) a tam tuk ti ding a si lo tiah ka ruah. Mirâng lebang hi cu awfang 10 lêng an tam tuk.

4. Theorist = purhdahthiam. Mah hi Lai caṭialthiam Salai B. Chan Khar nih cun mangmanhthiam a ti.

5. Bisexual = chuzangthuan. ‘Chu’ le ‘zang’ ti ruangah holh chia tinak si hlei lo. ‘Thuan’ cu kop/fonh/phirh. Ngeihhnihhur ti khawh zong si. Sullam: Pa le nu sinah nulepasinak a hmang khomi tinak si. Ai dawhnak in ngeihhnihduh/ngeihhnihuar ti khawh si.

6. Gender = nupathleidannak. A karlak ah ‘le’ chiahpiak theng a hau rua lo ka ti.

7. Politics = Ramcelh. Mizo nih ramkhel an ti cun ramcelh si ve ko lo mei.

8. Homosexual = tawkahur.

9. Liberal = Tuakhleithiam. Dictionary ning cun thlen a duhmi, ruahnak thar a la duhmi, ṭhancho a duhmi, mi nungsiang ti pawl khi cu an bi deuh. Fimcawnnak sâng nih biaknak le ramkhel kongah an khuatuaktan a hlei deuh tawnmi khi si.

10. Abortionist = nauthlakthiam. Sibawi ti hei chap theng a hau lo ka ti.

Malaysia COVID-19

Malaysia
996,393
Mizaw Hmuhmi
Updated on July 25, 2021 4:49 am
Malaysia
834,858
A Dammi
Updated on July 25, 2021 4:49 am
Malaysia
7,902
A Thimi
Updated on July 25, 2021 4:49 am
Malaysia
153,633
Zaw Liomi
Updated on July 25, 2021 4:49 am

Ṭial Tharmi