12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Benjamin Sum cu a fans pawl nih ting 400 leng man motor thar te an pek

    Ṭial Tharmi

    - Advertisement -

    Myanmar Idol hlasak zuamnak in ramchung ramleng Myanmar tefa tampi thinlung a hnintu Benjamin Sum cu a fan “Summer” pawl nih Kawlram tangka ting 435 man Alphard motor thar te laksawng an pek.

    Chin tlangval pa cu March 22 ahkhan a fans pawl nih an mit an huh i motor man fak takmi in an surprise hi si.

    Benjamin nih, “surprise nganpi kan in tuah lai ti lawng an ka chimh i motor kong cu an chim lo caah motor an ka pek lai ti cu ka hngal cia lo,” tiah a chim.

    “Hi bantuk fan/summer aa ka petu Pathian cungah kaa lawm tuk.

    “Kanmah bantuk entertainer pawl cu khualtlawng lengmangmi kan si caah motor hi a herh tukmi si. Summers pawl cungah kaa lawm tuk,” tiah a chim.

    Myanmar Idol season 4 winner asi lo nain, stage cung a cawlcangh ning le khuaruahhar a aw ruangah mi tampi nih an uar taktak. Nungak tampi nih cun ‘a mui dawh hrim an celh lo’ ti usih law kan palh tuk lai lo dah ❤️.

    Hmailei ah hlasak rian a pehzulh khawhnak hnga… tiin Gofundme website zongah bawmh an halpiak i minung 300 hrawng nih $20,000 leng (Kawlram ting 280 hrawng) an bawmh.

    Myanmar Idol biakhiaktu Phyu Phyu Kyaw Thein zong nih tha a pek taktak. Kan hnu zarh zongah “Nangmah Uar Loin Ka Um Kho Lo” timi Mirang hla an cover ṭi.

    “Atu zong kan pahnih i ṭuai in hla thar tuah kan i tim…” tiah nizaan tihni interview ah an chim.

    Atang Video ah tling tein zohngai ve.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.