9.7 C
Hakha
Friday, February 21, 2020
More

    Bangkok bomb puah kongah lunghrinhmi minung 2 an tlaih hna

    Follow Us

    99,972FansLike
    441SubscribersSubscribe

    Ṭial Tharmi

    - Advertisement -

    August 2 ah Thailand ram, Bangkok khuapi i hmun 3 ah bomb a puah i minung 4 hliam a tuartertu lunghrinhmi minung 2 cu Thailand palek nih an tlaih hna.

    Thailand ram thlanglei ah a ummi pa 2 hi August 1 i Thailand Police Headquarters leng ah bomb deu an hmuhmi konghe aa pehtlaimi an si.

    “Pa 2 cu Malaysia ramri i Muslim pawl khua an saknak hmun in a rami an si. Mahka hmun ahcun kum 15 chung Muslim pawl tapung an tho cang. Nain, anmah 2 hi tapung he pehtlaihnak an ngeih/lo kan chim kho rih lo,” tiah Thailand palek bawi Jakthip Chaijinda nih a chim.

    Bangkok khuapi ah bomb 6 a puak, minung 4 hliam an tong

    Mipa 2 hi tapung he pehtlaihnak a ngeimi an si ahcun Bangkok khuapi caah thinphang ngaingai a si. A hlan ah cozah le tapung an rak i do i minung 7,000 leng an rak thi nain nihin tiang deihnak a um kho rih lo.

    “Minung 4 an i hliam. An nunnak caah thinphang a si lo. Atu hi sizung ah an i thlop lio a si,” tiah Erawan Medical Center nih thawng a thanh.

    Aa hliammi 4 lak ah 3 cu nu an si i, lam an phiah lio ah bomb nih a puahmi hna an si.

    Atu lio hi Bangkok khuapi ah ASEAN ram chung Ramdang Vuanci pawl le US, China le Russia tibantuk ramtthawng ramdang Vuanci pawl Humhimnak kong meeting an tuah lio a si.

    Bomb an puahnak zawn hi meeting an tuahnak hmun taktak ahcun a a silo. _ CNA

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.