BACI: US Cozah Nih Kawlram mi Scholars and Leaders Caah $19 Million A Bawmh Hna Lai

US Cozah Nih Kawlram mi Scholars and Leaders Caah $19 Million A Bawmh Hna Lai

U.S. Cozah nih Kawlram tthanchonak ding caah le democratic mipi hruainak a chuah khawhnak ding caah US $19 million hmang in Kawlram caah Scholarship thar a tuah piak lai, tiah thawng kan theih.

Kawlram mino hna caah “Burma Leadership Activity” tiin Scholarship a tuahpiak hna. Tlangcungmi le miphun kip an zate i tel khawh ding le, ram le miphun caah hruaitu ttha an chuak khawhnak ding caah saduhthah nganpi he tuahmi scholarship a si.

A rauh hlan ah thok cang lai, tiah thawng kan theih.

“Ram serh tthannak ding caah le tthanchonak ding caah a herhbikmi pakhat cu fimthiamnak ngeimi le hruaitu ttha tampi kan herh, tiah kan timi cu U.S. Cozah nih a kan pom piak i, a kan bawmh caah an cungah lawmhnak tampi kan ngei,” tiah BACI hruaitu Executive Director Elaisa Vahnie nih a chim.

Hi Scholarship program ahhin Master’s Degree or post-graduate kai khawh mi lawng lak rih a si lai i, sianginn kai lawng siloin U.S. le International Institutions pawl he thuk piin caan hman ttinak, cann tawi training ti bantuk zong chap a si lai.

Scholars le leaders pawl cu U.S. Universities ttha bikmi Master Program pawl ah lut kho dingin tawlrel piak an si lai i, kum khat ah minung 80 hrawng kai khawh lengmang dingin tuah a si lai, tiah kan theih.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.