BACI siangngakchia le US cozah tonnak an ngei

  • US Hlutdaw (Congress) le refugee bawmtu US cozah zung an ton hna
  • US Ramdang Vuanci Zung, Ngandamnak, Ramdang Bawmtu (USAID) zung, tbk., zong an ton.

BACI Upward College Summer Scholars Program ah a kai liomi sianghngakchia le rian tuantu hna cu Myanmar ram le kan miphun caah rian a tuanbikmi US Congress le US federal cozah he zahan July 19 ah tonnak an ngei, tiah thawng kan theih.

Hlathlainak/research a tuah liomi BACI mino 47 hna cu Hlutdaw Sang MP/Senator Todd Young Office, ralzaam a bawmtu bik a simi Office of Refugee Resettlement (ORR), Department of Health and Human Services, U.S. Department of State, le U.S. Agency for International Development (USAID) hna he an i tong.

Kawlrammi le Myanmar caah bawmhnak a phunphun an pekmi cungah lawmhnak bia an chim lawng si loin atu lio Myanmar ram cungah U.S. policy kong, bawmhnak project an ngeimi hna kong, le hmailei saduhthahmi kong hna an i ruah kho, tiah thawng kan thei.

BACI Upward College Summer Scholars Program ah aa telmi hna cu US khuasa Kawlrammi hna an ton cuahmahmi thil pawl hlathlainak/research an tuah.

An hlathlaimi phichuak zoh in (solution oriented policy action) caah a ttha bik tiah ruahmi hna kha policy le biachahnak nawl a ngeimi hna sinah phanhpi a si.

Cuticun, ram le community caah scientific based in a phi an kawl long siloin, hlahlainak a tuahtu anmah sianghngakchia hna hrimhrim caah cawnnak, hruaithiamnak, le an pawm cawnnak rian cio ah hlawhtlinnak caah bawmhchantu (inspirational) si dingin tuah piakmi program a si, tiah kan theih.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.