Avengers: Endgame Movie Nih Zarh 2 Chungah $2 Billion Leng A Hmuh Cang

Avengers Endgame

Disney le Marvel chuahmi ‘Avengers: Endgame’ movie cu cinema zungpi an piahnak zarh 2 dengmang lawng si rih nain $2.19 billion a lut cang.

Avengers: Endgame nih vawlei cung movie vialte lakah tangka hmubikmi pahnihnak ah tuanbia a hun ttial.

Avengers: Endgame movie cu an piah ni 3 i a rak lutmi tangka ning tuak tikah $145.8 million a lut te lai tian ruah a si nain atu ahcun $2.07 billion a hmutu ‘Star Wars: The Force Awakens’ movie le $2.18 billion a hmutu ‘Titanic’ movie cu a lonh cang hna.

Vawlei cung movie ah tangka lut tambik a hmutu pakhatnak hi ‘Avatar’ a si. $2.79 billion bak a hmu.

Avengers: Endgame movie nih Tuluk ram lawng i ni 11 chung a hmuhmi hi $575.8 million a si. Hi movie ahhin Robert Downey Jr., Chris Evans, Mark Ruffalo, Chris Hemsworth, Scarlett Johansson, Bradley Cooper le Josh Brolin hna biapi in lem an cang.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.