Australia, Perth Airport Ah Indonesia Pa An Tlaih

Australia, Perth Airport Ah Indonesia Pa An Tlaih

Indonesia pa pakhat cu Australia ram, Perth International Airport ah palik nih a thil an check i a phone chungah ngakchia taklawng hmanthlak le video an hmuh ruangah an tlaih.

Thil a can hi nizaan ah a si.

Kum 30 hrawng simi Indonesia pa cu Indonesia ram, Bali ah zuan aa timmi a si.

“A phone kan zoh i ngakchia tlaihhremnak video 3 le hmanthlak kan hmuh,” tiah Australia Border Force (ABF) nih thawng a thanh.

ABF officer pawl cu Australia ram chung kualtlawng pawl phone le electronic thilri pawl checknak nawl a ngeimi an si i nifatin airport le ram chungah checknak an tuah.

Indonesia pa cu tuni ah Perth peng biaceih zungah tazacuai a si. Biaceih zung nih amahkhan in a thlah chung i May 24 khi biaceih zung ah a kal than te lai.

Australia ram ahcun Ngakchia ningcang lo tuahnak thilri luh/chuahpi ahcun kum 10 leng thongthlak le A$525,000 leng liamter khawh a si. _ CNA