15.1 C
Hakha
Wednesday, September 30, 2020

Australia ah Benjamin Sum le Esther Dawt Chin Sung cah an timh hna

- Advertisement -

Myanmar Idol Season 4 winner Esther Dawt Chin Sung le Runner Up Benjamin Sum cu Australia ram Melbourne khua ah cah an timh hna, tiah kan theih.

March thla hramthawk ah phan kho dingin cah an duh hna, i an phak khawh ahcun Fan pawl he tonnak zong a um te lai, cun March 13 ah Concert zong a um lai.

Concert cu Australia ram meikaang hartong bawmhnak ding caah timhtuahmi a si.

“Atu cu kan tawlrel cuahmah lio a si i, an phan hrim lai ti khawh asi rih lo. An phak lai/lo a fiang rih lo,” tiah Australia Chin Community EM nih February 7 ah The Chin Express sinah a chim.

Esther Dawt Chin Sung le Benjamin Sum hlasak sawmnak cu Australian Chin Community EM, Western Melbourne Chin Community, Victoria Chin Community, Chin Bushfire Appreal Group le Australian Chin Communities Council nih an tawlrelmi a si tiah kan theih.

Esther Dawt Chin Sung le Benjamin Sum cu hlasak zuamnak a dih sin tein Kawlram chung puai pawl ah pehzulh in hlasak an sawm lengmang hna.

Benjamin Sum cu March thla zongah Singapore ram ah a fan pawl tonnak le hlasaknak ngei ding a si tiah kan theih.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...