15.1 C
Hakha
Wednesday, September 30, 2020

Aung La Nsang le Vitaly Bigdash zeitik an i phomh lai a fiang lo

- Advertisement -

Myanmar ram a cawisangtu Aung La Nsang cu ONE Middleweight Champion taisawm veng dingin Vitaly Bigdash he i phomh ding an si. Nain, atu hi zeitik an i tthuat lai a fiang ti lo.

Aung La Nsang le Bigdash cu April 10, 2020 ah Indonesia ram ah Infinity:1 tlangtar in i tthua ding an si. Nain, atu lio coronavirus zawtnak ruangah ONE tawlreltu nih a ni thla an thawn.

Aung La Nsang le Bigdash cu voi 2 an i phomh cang i voi 1 veve an i tei. Atu hi voi 3nk aa tong ding an si.

Aung La Nsang cu a luancia 2017 thok inkhan ONE Middleweight Champion taisawm cu voi 3 a kilven khawh i atu tan hi voi a 4nk ven a timh si lai.

Tuan ahkhan Infinity:1 puai cu China ram ah tuah an rak timh. Nain, coronavirus zawtnak ruangah Indonesia ram ah an thawn.

Indonesia ram ah March 22 tiang ah coronavirus zawtnak ngeimi 450 an um i a thimi 38 an si. Malaysia ram zongah zawtnak ngeimi 1,200 dengmang an si cang. Cucaah, ONE Championship lei nih puai an let hi a si.

Atu hi ONE Championship nih May 29, 2020 ah Aung La Nsang le Vitaly Bigdash i tthuatnak puai cu tuah a timh. Cu zong cu an tuah kho taktak te lai maw ti a fiang rih lo.

Aung La Nsang, kum 33 cu atu lio MMA ah ONE Middleweight Champion le ONE Light Heavyweight Champion a si.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...