18 C
Hakha
Tuesday, September 21, 2021

Aung La Nsang le Vitaly Bigdash an i phomh tthan lai

Aung La Nsang cu Russia pa Vitaly Bigdash he April 10, 2020 ah an i phomh tthan lai tiah ONE Championship nih a thanh.

Aung La Nsang, kum 33 cu atu lio MMA ah ONE Middleweight Champion le ONE Light Heavyweight Champion a si.

ONE Middleweight Champion taisawm veng dingin Vitaly Bigdash he aa phomh ding an si.

“Thla 2 chungah ONE Infinity tlangtar in ONE Championship nih zaan 2 puai kan tuah lai. April 10 ah Indonesia ram, Jarkata khuapi ah voi 1 kan tuah lai. May 29 ah Philippines ram, Manila khuapi ah voi 1 kan tuah lai,” tiah ONE Championship CEO Chatri Sityodtong nih a chim.

April 10 i Indonesia ram ah tuah dingmi a zaan khatnak puai ahcun ONE Championship flyweight champion simi Adriano Moraes le ONE Championship Flyweight Grand Prix winner Demetrious Johnson an i phomh lai.

Cun, mah zaan tthiam ahcun Aung La Nsang le Bigdash an i phomh ve lai.

A zaan 2nk puai cu Philippines ram ah an tuah lai i ONE heavyweight Champion simi Brandon Vera cu a taisawm veng dingin Arjan Singh Bhullar he an i phomh lai.

A hramthok ahcun Aung La Nsang cu Netherlands rammi Reinier de Ridder he i phomh ding an si ko nain De Ridder aa khawn caah an let.

Aung La Nsang le Bigdash cu voi 2 an i phomh cang i voi 1 veve an i tei. Atu tan he cun voi 3nk an i phomh si lai.

Aung La Nsang cu a luancia 2017 thok inkhan ONE Middleweight Champion taisawm cu voi 3 a kilven khawh i atu tan hi voi a 4nk ven a timh si lai.

Malaysia
2,112,175
Mizaw Hmuhmi
Updated on September 21, 2021 9:40 am
Malaysia
1,880,733
A Dammi
Updated on September 21, 2021 9:40 am
Malaysia
23,744
A Thimi
Updated on September 21, 2021 9:40 am
Malaysia
207,698
Zaw Liomi
Updated on September 21, 2021 9:40 am

Ṭial Tharmi