29.1 C
Hakha
Tuesday, March 31, 2020
More

    Aung La Nsang he aa phomh dingmi Reinier de Ridder

    Ṭial Tharmi

    - Advertisement -

    Atu lio ONE Middleweight Champion le ONE Light Heavyweight Champion simi Aung La Nsang cu a rauh hlan ah Reinier de Ridder he ONE Middleweight Champion i cuh dingin an i phomh lai.

    February 7 zaan ahkhan Indonesia ram, Jarkata khuapi ah tuahmi One Championship i Warrior’s Code tthuatnak ah Middleweigh in a minthang ngaimi Reinier de Ridder nih Leandro Ataides a tei.

    Teinak a hmutu cu Aung La Nsang he i tthuat khawhnak caanttha hmuh a si. Cu caah, Aung La Nsang nih a taisawm (ONE Middleweigh Champion) ven khawhnak dingah De Ridder hi a tei hau.

    Reinier de Ridder cu MMA ah puai 12 aa tthua cang i voi 1 hmanh a sung bal rih lo. One Championship zong ah voi 3 aa tthua i, voi 1 hmanh a sung bal rih lo.

    Reinier de Ridder cu Muay Thai, Kickboxing, Jujutsu pinah Judo a hlei in a cawngmi a si. MMA aa tthuatmi vialte zoh tikah a thiam ngaimi a mitlaih/reh in puai 8 tiang teinak a hmuh. An nih hi kum 29 a si i Aung La Nsang nakin kum 5 a ngakchia deuh.

    Aung La Nsang cu kum 34 si i MMA ah puai 26 teinak a hmu. Puai 10 a sung. One Championship ah puai 11 teinak a hmu i, puai 1 a sung.

    De Ridder nih Ataides a teimi cu Aung La Nsang zong nih a lawmhpinak le a rauhhlan ah i tong dingin aa ruahchanmi kong zong a ttial.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.