17 C
Hakha
Sunday, August 9, 2020

Kalay: Arti buh einak nih coronavirus a kham khawh timi biachokvai ruangah cheukhat khuate ahcun arti an manh tuk

- Advertisement -

Social media pakhat si vemi Messenger in arti buh einak nih coronavirus zawtnak a kham khawh tiin biachokvai a len ruangah Kalay peng, khuate cheukhat ahcun arti an manh tuk ti a si.

Hitin biachokvai a leng; Mipa pakhat nih nu pakhat phone a chawnh i nauchuak ka bawhte cu a chuah sin tein a holh kho i arti buh einak nih coronavirus zawtnak a kham khawh tiin a chim hnu ah bawhte cu a thi tiah a chimh.

Mah kong a theimi mipi cheukhat cu an khuaruahhar i an i zumh caah an chungkhat pawl cu an hei chimh chin hna. Arti cu an i cawk cio i cheukhat khuate i dawr ngan pawl ahcun arti an cawk dih tiah Letpanchuang khuami pakhat nih a chim.

Kalaymyo, Taungzalet sang ah a ummi Hute nih “Nizaan ahkhan Chin state lei in kan chungle nih phone a kan chawnh i arti buh nan ei cang maw a kan ti. Hika lei cun arti buh an ei dih hna rak ei ve uh a kan ti i kan khuaruahhar tuk” tiah a chim.

Min langhter duh lomi dawr ngeitu pakhat nih “A hlan ahcun zarh 1 ah voi 1 hrawng lawng arti kan lak. Mah hmanh ahcun Nithunmi hrawngah kan lak tawn. Nizaan cu zarh 1 ca zuar ding kan lakmi bak ni 1 ah kan manh dih. Cheukhat nulepa cu bording class ah a ummi an fale ca tiang an cawkpiak hna” tiah a chim.

“Ni dang nakin tuni ah arti kan manh deuh ngai. Atu zong zuar awk a um ti lo. Phohte sin lak awk zong um rih lo” tiah Kalaymyo, Letpanchuang ah a ummi thil phungtling zuarnak dawr nganbik Lhp store i rianttuan pakhat nih a chim.

Thawngpang dik lo biachokvai cu February 10 thok in khan a lengmi a si.

Coronavirus kilvennak kong he pehtlai in Ngandamnak Vuanci Zung le ramdang dang hna i Ngandamnak bu pawl nih thawngthanhmi a um rih lo. – Chin World

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...