America ram ah kum 26 Chin pa cu ‘Tennessee State bawlung chuih thiambik laksawng’ an pek

America ram ah kum 26 Chin pa cu 'Tennessee State bawlung chuih thiambik laksawng' an pek

America ram, Tennessee state um kum 26 Chin pa cu an state chung bawlung chuih thiambik laksawng an pek, tiah kan theih.

America ram state pawl bawlung chuih zuamnak an tuah hnik caah anmah le state cio in bawlung chuih thiam an thim hna.

Tennessee state aiawh in a chuihtu ding lakah kum 26 Chin pa Salai Nong Thang an thim ve.

An state aiawh chuihtu dingah thim sawsawh lawng si loin, “Tennessee state chungin a thiambik laksawng zong an pek,” tiah Matu Tube Media Channel nih a ttial.

Salai Nong Thang cu Chin state, Mindat peng, Kyaik khua ah a rak chuakmi a si.

A nulepa zong Kyaik khua ah a rak chuakmi an si. US/America ram an phaknak a sau rih lo.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.