16.7 C
Hakha
Tuesday, July 14, 2020

AA nih India rammi telhin minung 15 a tlaih hna, tangka ting 50 zong a chuh hna

- Advertisement -

Rakhine ralkap AA nih Paletwa tilawng dinhnak hlei saknak tangka ting 50 an i lak pin ah rianttuantu minung 15 (India rammi telhin) an tlaih hna. An dihlak in tu zingka sml 9 hrawng ah an thlah tthan hna tiah Chin state cozah lei biachimtu Sipin Vuanci U Soe Htet nih a chim.

Sipin Vuanci U Soe Htet nih, “India rammi telhin rianttuantu minung 15 cu zahan zaan sml 10 hnu ah an tlaih hna. Tu zingka ah tangka ting 50 le an herhmi thiri cheukhat an i lak hnu ah minung cu an thlah tthan hna. A luatmi pawl cu Paletwa khua nawl ngeitu nih an ton hna i bia an hal hna,” tiah a chim.

Paletwa khua nichuahlei sak cuahmahmi tilawng dinhnak hlei an saknak hmun ah March 22 zaan ah AA an lut i hlei saknak caah hman dingmi tangka ting 50 an chuh hna. India rammi 7, holhlet 3 le rianttuan dang 5 (an zate minung 15) zong an tlaih hna i an kalpi hna.

AA pawl nih an tlaihmi hna cu hlei saknak hmun in meng 1 hrawng a hlatnak Kyat Uh Wah khuate pawngah an riahter hna i tuzing ah an thlah tthan hna hi a si.

Paletwa khua nichuahlei ah an sakmi tilawng dinhnak le hlei cu Myanmar le India ramhnih hnatlaknak in an sakmi a si. – Chin World

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...