26.5 C
Hakha
Monday, June 1, 2020

AA nih Chin ralzaam ca phorhmi facang tun 120 an chuh hna

- Advertisement -

Paletwa khua ah aa dormi ralzaam 1,700 leng caah phorhmi facang tun 120 cu Rakhine ralkap (AA) nih an chuh hna tiah Chin state cozah nih a ti.

Chin state Sipin Vuanci U Soe Htet nih “Paletwa ah ei awk an harsa tuk. Cu ruangah kan dirhmi ralzaam bawmhnak thilphortu committe nih Samee khua ah kan chiahmi facang an va lak. Motor pakhat cu Samee khua in March 29 zingka sml 8 hrawng in aa thawh cang.

“Chun sml 11 hrawng ah AA he lampi ah an i tong i AA nih facang tun 120 ningin an i kalpi,” tiah a chim.

Kawl ralkap le AA kar i kahnak ruangah Paletwa peng khuami chungkhar 356 (minung 1771) cu Paletwa khua le pawngkam khua ah an i dor hna. Cun, Samee khua zongah chungkhar 707 (minung 2945) an i dor hna.

AA nih an i lakmi facang tun 120 cu Paletwa khua le pawngkam khuate ah aa dormi ralzaam 1,771 caah an phorhmi a si.

“AA nih tangka zong an pe hna lo. A chuh bak in an chuh ko hna. Minung zaangfahnak thinlung te he hibantuk hi cu an tuah awk si lo. Damiah tteih bak a si. Harnak a tongmi minung kha harnak an pek chin hna. An poi tuk,” tiah U Soe Htet nih a chim.

Chuhmi facang cu AA nih an pek tthan cang hna timi thawngpang a chuak nain U Soe Htet nih March 29 zaan tiangah zeithawngpang hmanh kan thei lo i facang zong kan hmu rih lo a ti.

AA chuhmi facang tun 120 cu Paletwa peng ralzaam hna caah tiin Chin mipi le Chin state cozah i bawm in an cawkmi a si i ral ruangah an phorh khawh lo caah Samee khua ah an chiahnak thla 2 hrawng si cang.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...