“Myanmar Idol hlasak zuamnak nithla kan thawn i a rauh hlan ah kan tuah tthan cang lai,” tiah Myanar Idol a tuahtu MNTV i chariman Daw Nan Moh Loh Sai nih a chim.

“Tutan cu Myanmar Idol tuah kan hnut/tlaimi si lo. A caan kan thawn i si. Zeipoah te timhcia dih a si cang,” tiah a chimchap.

June thla ahkhin Myanmar Idol hlasak zuamnak kong he pehtlai in mipi sinah thawngthanhnak an tuah lai i judge ah mi zeidah an si lai ti zong khi tikah a fiang te lai.

Myanmar Idol hlasak zuamnak hi Myanmar ram ah tuahmi hlasak zuamnak vialte lakah mipi thapek bikmi zuamnak a si.

Hi mipi thapekmi zuamnak ahcun mah uarmi ciomi hlasa tu kha SMS in duhzat paoh vote pek khawhnak an tuah ruangah kum fatin soisel a si.

Myanmar Idol hi an rak thok ka ahcun judge 3 lawng an rak hman. Nain, ni kum inkhan judge 4 an hung lak hna.

Myanmar Idol season 1,2,3 ahhin Kyaw Htet Aung nih caan a tlaih i tu kum zongah a mah nih caan a tlaih rih lai ti a si.

Myanmar Idol season 1 winner cu Saw Lah Htaw Wah a rak si. Season 2 ah Thar Nge le season 3 ah Phyo Myat Aung hna an si.