14.1 C
Hakha
Tuesday, September 21, 2021

A mang ruangah nauthlâkthiam sibawi a lung ai thleng

Stojan Adasevic hi kum tampi chung communist Serbia ah nauthlakthiam sibawi a ṭuanmi a si. Kum 26 a ṭuan chungah, a chuak rih lomi naute 48,000 hrawng kha a thlâk [thah] hna, amah rualchan nau telhchih in.

Communist an ram ca ahcun zeite khi a si, a fawi tukmi khi si. A mang ruangah ai thleng i, Nichuah Europe ah nauthlâk a dohtu phu hruaitu bochan bik pakhat ah a cang. A mang ah ai dawh ngaimi hmun kha a hmuh.

Cuka ahcun nuam in ngakchia le mino an tlongleng. Lentecelh in an au celcul. Kum 2 in 24 hrawng khi an si. Asinain amah an hmuh cun an ṭih tuk caah an zâmdih. Puan nak-râng hrukmi pa nih mit ṭhep lo, holh khin arko-in a zoh, a mêt.

A zan pehpehin cu lawngte cu a mang ah a hmuh i, thlan kîk nih a kholh caah ai hlau tawn. Zan khat a mang ahcun puan nak-râng hrukin a zohtu pa cu aho a si kha a hal i, Thomas Aquinas ka si ti’n a leh.

Muslim a si caah Dominican Mithiang (St) Thomas cu a hngal lo. Stojan nih cun, “Hi ngakchia pawl hi ahodah an si?” tiah a hal. Biahmaiṭhi um lo, fianghlang ngai khin, “Nauthlak in na thahmi teh an si ko!” tiah a leh. Stojan cu ther thluahmah in ai hlau i, thinphâng thlalau ngai in a um.

A ṭih tuk caah nauthlâk rian ah kai tel ti lai lo a ti. ‘The First Hour’ documentary ah a chimmi: Thil pakhatkhat kha ka tawngh, fâk deuh ngai khin ka hmeh, ka lâk i puan cungah ka hlawnh. Ka van zoh cu kut a rak si ai. Thla 3 maw thla 4 naute kut khi si, a tahnak ka ngeih lo caah ka hei tah lem lo.

A tuamtu a hnephnop kha ka van thianh, mah hi cu ruh a si ṭheo lai tiah ka ruahmi kha puan cungah ka chiah i ka van zoh cu minung lung a si kha ka hngalh! A con i a hung puar/ngan ṭhan, duk duk duk tiah a tor, lungtor khi.

Ka hrutdih ko lo hlah maw ka ti! Ka zoh i duhsah, duhsah in a lungtor cu a tla, a tla ziahmah i a donghnak ahcun a ngol, a thi. Ka mit bak i ka hmuh tluk fiang in hohmanh nih an hmu lai lo. Cu nih cun minung pei ka thah ko hi ti kha fiang tukin a ka ruahter. A lau tuk caah voikhat hmanh ka tuah ti lai lo tiah an sizung a chimh colh hna.

communist ram um an si tikah amah le a chungkhar nih harnak an tong colh ve. Cozah nih a thlahlawh an chuh, a fanu rian an phuah i, a fapa sianginn kai an siang ti lo. An ram ah nun-dirkamh phu ah a lut colh u, atu tiang nauthlak dohtu bochanmi a si.

Nichuah Europe ah TV, thanhca le a dangdang chimrelnak ah a tuanbia a phuan lengmang tawn. Pum chung naute dirkamh kong chimphuannak in a nun cân a hmang.

Lifenews.comLifeNews.com

Malaysia
2,112,175
Mizaw Hmuhmi
Updated on September 21, 2021 8:39 am
Malaysia
1,880,733
A Dammi
Updated on September 21, 2021 8:39 am
Malaysia
23,744
A Thimi
Updated on September 21, 2021 8:39 am
Malaysia
207,698
Zaw Liomi
Updated on September 21, 2021 8:39 am

Ṭial Tharmi